तिलोत्तमा । भाद्र ६ गते । न्यु लाइट माविमा तिज नृत्य प्रतियोगिता सम्पन्न भएको छ । विद्यार्थीका विभिन्न सदनहरूबीच ८ समूहबिच गरिएको प्रतियोगितामा सिनियरतर्फ ब्लु हाउसको प्रशंसा भण्डारीको समूह र जुनियरतर्फ ब्लु हाउसकै परिधि भण्डारीको समूह विजयी भएको छ भने सिनियरतर्फ यल्लो हाउसको सोनु चुहानको समूह र जुनियरतर्फ ग्रीन हाउसको मानवी खनालको समूह द्वितीय भएको छ । विद्यालय व्यवस्थापन समितिका अध्यक्ष खड्ग बहादुर गौतमले मौलिक गीत संगीतलाई जोड दिंदै विकृतिबाट बच्नुुपर्ने बताए । शिक्षक मधु बस्नेतको अध्यक्षता र कार्यक्रममा विद्यालय व्यवस्थापन समिति सदस्य कर्णबहादुर क्षेत्री लगायत अभिभावकहरूको उपस्थिति रहेको शिक्षक अस्मिता श्रेष्ठले बताए । त्यस्तै न्यु लाइट कलेजमा पनि तीज नृत्य प्रतियोगिता सम्पन्न भएको छ । कक्षा ११, १२ र स्नातक तहका विभिन्न तहका विद्यार्थीले एकल तथा समूहगत रुपमा नृत्य प्रस्तुत गर्नुका साथै नाटक समेत प्रदर्शन गरेका थिए । कलेज व्यवस्थापन समितिका अध्यक्ष धर्मराज पौडेलको प्रमुख आतिथ्यता सम्पन्न कार्यक्रममा विशिष्ट अतिथि क्याम्पस प्रमुख रमेश ज्ञवाली रहेका थिए । विद्यार्थीहरुले विभिन्न जातीय पोशाक सहित विविध तीज साँस्कृतिक प्रस्तुति राखेको कार्यक्रममा कलेजका अतिरिक्त कृयाकलाप प्रमुख खेमराज खनाल , शैक्षिक संयोजक राजेन्द्र कुँवर लगायतले शुभकामना मन्तव्य राख्नुभएको कार्यक्रम सञ्चालक सुधा खरेलले बताए ।